Martin2Polly
 
   
     

三峰起,食臘味

文: 蔣文正

 有一些人,肥頭得耳,面圓圓兼紅光滿面,成個富翁咁樣,但係就「莫水」者,或不至一貧如洗,亦只係打份牛工,最做一個部長之類。(當然唔係國家部長啦!只係食食業個種咋)

 所以有人話睇相唔準,相術係呃人的。其實呢個問題只不過係相人者功夫唔夠,睇唔倒而己。

 我地睇相要睇下有無破格?先至講到有無衣食,有無得發達。肥人的手掌,一定要有"三峰起",方才有富貴,否則亦只係常人一個,甚至是勞苦階層,破左格也。

 甚麼是"三峰起"?即是手掌上的食指,中指,尾指下面,手惷同手掌相連D地方,都有一舊肌肉,中國相法叫做"巽","離","坤"三峰。

 這三處地方西洋掌相法代表財富,地位,家庭,亦代表人生的福祿壽,都要高漲有肉,方才有福。

 身軀瘦削的人,因為身體肉較少,所以少左呢三忽肉,都唔係大問題,而肥人周身肉,偏偏在需要有肉的地方就無,你話幾執輸?

 但如果一個瘦人,成身無乜肉,卻手掌呢三處有肌肉高起,咁就發達喇!必定係人上人,無別墅都有豪宅住果隻。

 這好比一個居住在山區窮鄉僻壤之人,買不起電視機,不是奇事,並不表示這個人撈世界執輸比人,但如果此人乜電器都有,必然係特別階級,叻人一等,如果一個居住在發達城市的人,搵食之餘連電視都買唔起,(係買唔起,唔係故意唔買)咁呢位人兄,工作能力或者工作態度就有問題,唔慌另過人矣。

 所以睇相睇掌,要分清楚肥瘦及有沒有破格,唔好"LAR"埋就風濕。而各位讀友,請看清楚自己的手掌,是否有三峰起?

三峰起,食臘味,三峰唔起,食自己,即係要努力博殺咁工作矣。

 
     
 

中國哲學文化協進會客戶服務中心

地址:香港九龍旺角亞皆老街 43-49 號雅佳樓6字 47 號

             Room 47, 6/F, Argyle House, 43-49 Argyle Street, Mongkok, HK.

電話:( 0852 ) 26183861.      ( 0852 ) 26188861.

傳真:( 0852 ) 26181277

網址:www.168k.com  電郵:168@168k.com